Kven har stemmerett?

Ved stortingsval har du stemmerett dersom du:
•    Er norsk statsborgar
•    Har fylt eller fyller 18 år innan utgangen av 2025
•    Er, eller har vore, registrert som busett i Noreg
•    Står i manntalet

Sjekk manntalet frå 10. juli

Manntalet vert lagt ut til offentleg ettersyn på kommunehuset frå om lag 10. juli og fram til valdagen 8. september. Det er viktig at du sjekkar at du står oppført korrekt – særleg dersom du har flytta til Bjerkreim kommune i år.
For å stemma her på valdagen, må du ha meldt flytting og fått dette registrert innan 30. juni.
 

Dersom du ikkje står i manntalet i Bjerkreim kommune, kan du ikkje stemma her på sjølve valdagen. Du kan likevel førehandsstemma her, stemma di blir då sendt til den kommunen du er manntalsført i.

Feil i manntalet?

Dersom du meiner at du eller nokon andre er feilført, eller ikkje står i manntalet i det heile, kan du krevja retting. Kravet må vere skriftleg og grunngjeve, og sendast til:
Bjerkreim valstyre
Postboks 17
4384 Vikeså
postmottak@bjerkreim.kommune.no