På kulturdagen søndag fekk han prisen for sitt allsidige og langvarige engasjement. Kulturprisen er ei påskjønning til personar eller lag som har gjort ein særleg innsats for kulturlivet i Bjerkreim.

Gjennom fleire tiår har Per Spødervold sett tydelege spor i kulturlivet i Bjerkreim. Han har vore formann i Bjerkreim Ættesogelag sidan 1995, og har også hatt verv i idrettslaget, bygdeungdomslaget og i komiteen for Bjerkreimsmarken. Han har vore president i Bjerkreim Maratonklubb World Wide, og har fullført maraton i New York, Rio de Janeiro og Reykjavik.

Spødervold har vore redaktør for medlemsbladet «Bræktet» (Bjerkreim bygdeungdomslag) i over ti år. Han er også ein aktiv bidragsytar i Facebook-gruppa «Bjerkreim før i tida», der han deler lokalhistorie og svarar på spørsmål frå andre interesserte.

Gratulerer med velfortent kulturpris!