Føretaket ditt må òg vera registrert i einingsregisteret (må ha organisasjonsnummer).
Søknadsfristar
NB! Levering etter fristen vert straffa med kr. 1000,- i trekk pr dag i to veker etter frist. Det er ikkje mogleg å søkja seinare enn to veker etter frist. Etter 29. oktober (evtentuelt 29. mars) vert søknaden avvist og avslått.
- Del 1: 15. mars (teljedato 1.mars) Må levere innan frist, men kan retta fram til 29.mars.
- Del 2: 15. oktober (teljedato 1. okt) Må levere innan frist, men kan endrast innan 29.okt. Dyr på utmarksbeite og utgifter til avløysing kan endrast heilt fram til 10. jan. året etter.
-
Meir oppdatert Informasjon om aktuell søknadsomgang finn du på landbrukssida i Bjerkreimsnytt for mars 2023
-
Kart over areala på eigen gard finn du i søknadsskjemaet på nett eller på NIBIO sitt gardskart. Nokre få av dykk har arealendringar som vi må handtere manuelt. Ta kontakt dersom du er i tvil.
- Alle storfe skal vera oppført i husdyrregisteret. Sjekk at dyretalet ditt stemmer med dette registeret.
Levere søknad
Til utfylling og levering
Vi tilrår sterkt at alle leverer søknaden elektronisk.
Då er risikoen for feil mindre og mange opplysningar vil vera førehandsutfyllt. Ta kontakt med landbrukskontoret dersom du treng hjelp. Vil du ha meir hjelp av oss til sjølve utfyllinga må du ha med elektronisk ID -brikke eller tilsvarande slik at vi kan logge deg inn.
Det er og laga eit søknadsskjema som kan fyllast ut og leverast på papir. Dette skjemaet blir tilgjengeleg når det er mogleg å levera inn søknader og kan då lastast ned frå link som vil koma opp på landbruksdirektoratet si informasjonsside
Utbetaling
Tilskota blir betalt ut samla i siste halvdel av februar året etter søknadsåret.
Meir om produksjonstilskot
Produksjonstilskot omfattar desse ordningane
- arealtilskot
- kulturlandskapstilskot
- tilskot for husdyr
- tilskot for dyr på beite
- tilskot for dyr på utmarksbeite
- driftstilskot til mjølkeproduksjon
- driftstilskot til spesialisert storfekjøttproduksjon
- tilskot til små og mellomstore mjølkebruk
- tilskot for bevaringsverdige husdyrrasar
- arealtilskot til økologisk husdyrproduksjon
- distriktstilskot til frukt, bær og veksthusgrønnsaker
- distriktstilskot for potetproduksjon i Nord-Norge
Meir nyttig informasjon
Endring av areal i søknaden
Om det har vore endringar i arealet på eigedomen sidan i fjor, så må du retta opp dette i søknadsskjemaet. I 2023 har NIBIO gjennomført periodisk ajourhald der karta er kontrollert opp mot dei nyaste flybileta, og difor er det endringar på mange av eigedomane i kommunen. Me har laga ei steg for steg-oppskrift (PDF, 194 kB) som syner korleis du endrar areal i søknaden.
Dyr på beite og krav til beitetider
- Det er eit generellt krav at storfe skal vera på beite minst 8 veker i sommarhalvåret.
- Storfe som er oppstalla på bås og sau skal vera på beite i minst 16 veker.
- Det kan søkjast beitetilskot til dyr som har gått minst 16 veker på beite.
- I tillegg kan det søkjast tilskot til dyr på utmarksbeite dersom minst 5 av desse vekene har vore på utmarksbeite.
- For å kunna søkja tilskot skal utmarksbeitet normalt vera fysisk avskilt frå innmarksbeitet. Dette kan vi fråvika etter ei konkret utrekning og vurdering dersom innmarksbeitearealet er avgrensa og ikkje gir for nok til dyra i beitetida. Til støtte for denne vurderinga brukar vi då ofte dette reknearket (XLS, 41 kB).
Dersom du søkjer tilskot til dyr på beite skal beitebruken kunna dokumenterast. Der det er tvil om vilkåra er oppfyllte eller ved utvida kontroll vil kommunen kunna be om å få framlagd ein beitejournal som viser når dyra er sluppe på innmarks eller utmarksbeite og kva tid dei er sanka inn eller flytta. Det fins ulike måtar å føre slik beitelogg på. Nokre fører dette i noteringsbøker. Andre brukar noteringsprogram på nett som du f.eks. kan ha på mobiltelefonen. Dersom du ynskjer skjema kan eksempel hentast frå linken under: