Ordføraren si side

Her vert "ordføraren sitt hjørne" frå side 2 i siste nummer av Bjerkreimsnytt lagt ut.

Sjå heile Bjerkreimsnytt  her.

Frå februarnummeret:

 Ordførar Torbjørn Ognedal (Bjerkreim kommune) - Klikk for stort bilete Gode bjerkreimbuar

Vi har kome godt i gang med eit nytt år, eg føler at tida flyg av sted. Vi har ikkje hatt vinter å snakka om, synd for dei som satsar friskt på Stavtjørn. Må i den anledning få gratulera Connie Austdal, som har starta bakeri på Stavtjørn. Nå er det opp til alle hyttegjester og andre, til flittig å stikka innom for ein kopp kaffi med ferske bakarvarer til, eller handle eit ferskt brød. Håper nå på ein del snø, i alle fall på Stavtjørn, slik at det blir fine forhold i skitrekket og til skiturar innover heiane.

For dei som ikkje er så glade i snø og uteaktivitetar, har Kraftverket nå starta opp att i flotte, nye lokalar. Gratulerer så mykje ! Her er det mogleg å oppfylla eit eller fleire nyttårsønskje om å koma i betre form, og kanskje til og med få vekk litt av «overskotet» etter julefeiringa.

Det er alltid trist å sjå at verksemder legg ned, då tenker eg på Joker. Det fører til mindre aktivitet og færre val for innbyggarane. Men vi må også gleda oss over at den nye Coop Ekstra har auka handelen med ca. 20 prosent. Joker hadde nær same omsetning gjennom året som tidlegare. Det betyr meir handel i Bjerkreim, totalt.

Så vil eg bare minna om at døra inn til ordførarkontoret er open, alle synspunkt tas imot med takk. Ris og ros. Og alle kan i det minste få ein kopp kaffi, dersom dei ønskjer. Ha ein fortsatt fin vinter alle saman.

 Signatur Torbjørn - Klikk for stort bilete

Kontaktinfo for ordføraren

Sist endra 29.01.2019
Fann du det du leitte etter?
Artikkel (1)