På topp i Dalane
Bli med på turtilbodet "På topp i Dalane" i friluftslivets år 2005. Du kan velja mellom 20 flotte toppturar, fem i kvar av Dalanekommunane. Kvar tur gir frå 10 til 40 poeng, og ved oppnådde 100 og 250 poeng får du eit fint merke (PIN) og er samstundes med i trekninga av nyttig turutstyr.
Toppturane i Friluftslivets år 2005 er eit samarbeid mellom Dalane friluftsråd og medlemskommunane Bjerkreim, Lund, Sokndal og Eigersund. Turane er, med få unntak, valde ut med tanke på at dei skal passa for dei fleste aldersgruppene. Stiane fram til turmåla er merka.
I Bjerkreim er turmåla Urdalsnipa (561 moh) , Storafjellet (537 moh), Solbjørgsniben (446 moh), Soltuå i Hetlandsskogen og Fossliknuten (644 moh)/Vinjakulå (907 moh).
Merk at i foldaren er gåtida til Fossliknuten og vidare opp til Vinjakulå sett til 2-3 timar og i alt 4-5 timar. Dei fleste vil nok klara turen på i underkant av 2 og 4 timar.
Det er sett opp "postkassar" med klyppetong og gjestebok på kvart turmål. Alle husstandar har fått tilsendt ein foldar med nærmare informasjon og som også skal nyttast til å klyppa merke i. Fleire foldarar kan fåast i serviceavdelinga på Heradshuset.
>> Tips en venn om denne artikkelen! >>
Tenester
Bibliotek
